16 Set Facenda anuncia rebaixas fiscais en sucesións Xornada APD sobre as empresas familiares en Santiago de Compostela
16.9.2015
O conselleiro de Facenda de Galicia, Valeriano Martínez, anunciou unha “intensa” rebaixa dos impostos de sucesións e doazóns para facilitar a transmisión das empresas familiares galegas. Martínez explicou que a redución fiscal será aprobada en xaneiro de 2016 e se verá reflectida nos vindeiros Presupostos da Xunta de Galicia.
O conselleiro de Facenda fixo o anuncio na xornada sobre a Empresa Familiar de Galicia celebrada en Santiago de Compostela baixo a organización da Asociación para o progreso da Dirección (APD) de empresas. A directora da Asociación Galega da Empresa Familiar, Margarita Hermo, subliñou na apertura do encontro a “importancia da familia propietaria na estratexia e sostibilidade dunha compañía”. O presidente da Asociación galega da Empresa Familiar, Emilio Pérez Nieto, solicitou ás autoridades públicas “desvencellar á empresa do patrimonio para facilitar os cambios xeracionais, abaratar a sucesión e facilitar a continuidade dunha empresa familiar”.
